contoh pidato bahasa jawa acara kemerdekaan

Assalamualaikum Wr.Wb

·         Panjenenganipun Bapak Dukuh ingkang dahat kinurmatan

·         Bapak RW 17 lan RT 01 ingkang minulya

·         Lan sedaya warga Dusun Kapukanda ingkang tansah bagya mulya

Sumangga langkung rumiyin panjenengan lan kula ngaturaken puji syukur dhumateng Allah SWT ingkang sampun maparingaken mapinten-pinten kenikmatan satemah panjenengan lan kula saged makempal wonten ing acara pengetan dinten kamardikan ingkang kaping 67 taun.

Menawi kita ngemut-ngemut 67 taun kapungkur, wektu Negara Indonesia punika  taksih di jajah dening bangsa Walanda lan Jepang kang dadosaken kathah tiyang sami rekaos. Kathah prastawa perang, busung lapar, lan kerjo paksa kang kang dijenengi  romusha. Romusha iku salah siji kerja kang dadekake para rakyat menika sami rekaos. Soyo suwe para warga mboten sami betah yen taksih wonten jajahanipun bangsa liyo.Para warga padha gotong royong mikerake kepiye carane ngusir penjajah lan bisa dadekake  Negara Indonesia menika merdika, kanthi perjuangan kang mboten gampang para pahlawan lan rakyat bisa merdikakake Negara Indonesia wonten ing tanggal 17 Agustus 1945. Pramilo wonten ing pengetan puniko monggo kita sami-sami sesarengan ngaturaken agungeng matur nuwun kalihan para pahlawan kang sampun dadekake negara kita niki bebas saking penjajahan bangsa liyo.

Sak meniko kita termasuk generasi penerus pewaris kemerdekaan.Pramilo kita gadhahi tugas nerusaken perjuangan poro pejuang ingkang rumiyin. Soho melihoro lan nglestarekake kasejahteraan Negeri Indonesia meniko. Ampun ngantos nikmat kemerdekaan meniko kita sia-siaken kanti ngawontenaken pesta pora, lan hura-hura ingkang boten wonten artinipun, tanpa ngawontenaken amalan-amalan ingkang beto kemanfaatan lan tujuan kang apik kanggo negara. Sebab kamardikan meniko boten hadiah saking bangsa asing ingkang dipun caosaken kanthi gampang. Nanging seko jasa-jasa poro pejuang ingkang sampun rumiyin. Pramilo sepindah maleh kito ugi kedah mengisi kemerdekaan kanti ndidik para generasi kita mangkeh kang arep dadi penerus kita sedaya.

Kintenipun cekap semanten atur saking kulo. Mugi-mugi saget manfaat dhumateng pribadi kulo khususipun, lan umumipun dateng panjenengan sedoyo. Lan menawi wonten klenta-klentunipun kulo nyuwun agunging pangapunten.

Wassalamu’alaikum Wr.Wb